राष्ट्रिय राजमार्गे छुरिकायुधेन भयभीतं कृत्वा लुण्ठनं कुर्वतः गिरोहस्य भेदनम्, त्रयः गिरफ्ताराः।
कटिहारः, 07 नवंबरमासः (हि.स.)।
कटिहार-नगरे राष्ट्रिय राजमार्गे पथिकान् व्यापारिणश्च लक्ष्यीकृत्य लुण्ठनं कुर्वतः गिरोहस्य भेदनं कुर्वन् पुलिसदलेन त्रयः शातिराः अपराधिनः निगृहीताः। पुलिसदलेन तेभ्यः लुण्ठनस्य घटनासु प्रयुक्ता मोटरसाइकिलयाना, लुण्ठितानि १५,९०० रूप्यकाणि, एकं स्वर्णाङ्गुलीयकम्, एका रजतशृङ्खला अष्टौ चलदूरवाणियन्त्राणि च अधिगृहीतानि। अस्याः कार्यवाह्याः फलस्वरूपं मुफस्सिल-थानाक्षेत्रे विगतयोः दिवसयोः अभवतां लुण्ठनस्य द्वयोः पृथक् घटनयोः ४८ घण्टाभ्यन्तरे सफलम् अन्वेषणं जातम्।
छुरिकां प्रदर्श्य दम्पत्योः मत्स्यव्यापारिणां च लुण्ठनम्
मुफस्सिल-थानाक्षेत्रे प्रथमघटना नवम्बरमासस्य पञ्चमे दिनाङ्के दिघरी-राष्ट्रियमार्गे अभवत्। तत्र मोटरसाइकिलयानेन आगतैः अपराधिभिः छुरिकया भयभीतं कृत्वा एकस्मिन् दम्पत्योः सह मारपीटं कृत्वा ताभ्यां द्वे चलदूरवाणियन्त्रे, स्वर्णाङ्गुलीयकं, रजतशृङ्खलां ८,५०० रूप्यकाणि च अपहृतानि। अपरस्यां घटनायां नवम्बरमासस्य षष्ठे दिनाङ्के राष्ट्रियमार्गे १३१ए इत्यत्र अपराधिभिः शस्त्राणि छुरिकां च प्रदर्श्य मत्स्यव्यापारिणः अवरुद्धाः। तेभ्यः धनराशिं, चलदूरवाणियन्त्राणि मत्स्यान् च अपहृतवन्तः। एतयोः घटनयोः सम्बन्धे मुफस्सिल-पुलिसस्थानके ४४०/२६ तथा ४४१/२६ इति सङ्ख्याङ्किते अभियोगे पञ्जीकृते अन्वेषणम् आरब्धम्।
विशेषान्वेषणदलेन वैज्ञानिकानुसन्धानमाध्यमेन अपराधिनः निगृहीताः
निरन्तरं घटितानां घटनानां गाम्भीर्यं दृष्ट्वा पुलिसाधीक्षकस्य निर्देशानुसारं सदर-१ उपमण्डलपुलिसाधिकारिणः नेतृत्वे विशेषान्वेषणदलस्य (एसआईटी) गठनं कृतम्। विशेषान्वेषणदलेन वैज्ञानिकानां तकनीकीसाक्ष्याणां मानवीयगुप्तसूचनानां च आधारेण शीघ्रमेव छापामारी कृत्वा त्रयः अभियुक्ताः निगृहीताः।
गिरफ्ताराभियुक्तानां प्राप्तवस्तूनां च विवरणम्
गिरफ्तारापराधिषु मो. मासूमः (२६ वर्षाणि) गरीब नवाजः (२२ वर्षाणि) च, उभौ दिग्घी-मुफस्सिल-थानाक्षेत्रनिवासिनौ, अभिषेककुमारः (२८ वर्षाणि) च, बडी दुर्गास्थानम्, नगर-थानाक्षेत्रं (कटिहार) निवासी, सन्ति। तेभ्यः अपराधे प्रयुक्ता एका मोटरसाइकिलयाना, लुण्ठितानि चत्वारि चलदूरवाणियन्त्राणि, अन्यानि चत्वारि चलदूरवाणियन्त्राणि, अपहृतं स्वर्णाङ्गुलीयकं, रजतशृङ्खला १५,९०० रूप्यकाणि च प्राप्तानि। पुलिसदलेन त्रयाणाम् अभियुक्तानां विरुद्धम् अग्रे विधिसम्मतकार्यवाही क्रियते।
हिन्दुस्थान समाचार / विनोद सिंह
